نفسى نفسى

شوف يا أخى....الواحد لما بيركز فى الدين بيلاقى حاجات كتير لما بيعرفها بيقول سبحان الله بجد ....كل حاجه محسوبه

الواحد بيحصله كل يوم موقف ولما جيت افكر فيه من زاويه تانيه وبعد مافتكرت الحديث الشريف بتاع يوم القيامه لما كل الناس بتدور على حد يشفعلهم....وكل الانبياء هيقولوا نفسى نفسى...وابويا وامى...نفسى نفسى...وابنى يترجانى...وانا اقوله نفسى نفسى...بس مافيش غيره

سيدنا محمد.....لا ينطقها لسانه....لا فى دنيا ولا فى أخره

فحطيت الناس كلها قدام عينى....لقيتهم طوائف

ناس...... بتقول نفسى نفسى من يوم مانزلت من بطن امها....ممكن يبيع اى حد واقرب الناس ليه عشان مصلحته...وفى اى وقت

ناس......يبقوا حبايبك ويخدموك بعنيهم.....انما وقت الجد....بينفدو بجلدهم....ووقتها ممكن تكون انت اول واحد يدوسو على رقبته عشان يطلعوا فوق اكتر واكتر

ناس.....عايشين حياتهم لنفسهم...ممكن يخدموك فى سكتهم....بس على قد موقف...وهما مش فى دماغهم...وهيكمل طريق نفسه تانى

ناس......قلوبهم بيضا زى اللبن الحليب.....رجاله.....فى كل الاوقات....بس بيبقى عنده نقطه ضعف...لو حس ان فيها مشكله...ممكن يبيع ابوه....بس ضميره هياكله....وهيبقى عايز يصلح الى حصل

ناس.....مالهومش زى.....يتعدو على الاصابع فى دنيا الغدر الى احنا عايشينها.....ماعندهمش حاجه اسمها نفسى نفسى ولو على رقبتهم...قضو دنيتهم بيتعذبو وبيضحو عشان يسعدو الناس.....دول ناس مانطقتش ألسنتهم بالكلمه دى الا عندما دنت الشمس وبلغ الناس قدر لا يحتمل من الغم والكرب....بس يوم الحشر.....ومعظمهم الانبياء

واحد....دون غيره....صلى الله عليه وسلم....سيدنا محمد....لم تنطقها لسانه ولا مرت على قلبه....لا فى دنيا ولا فى أخره...حبيبى يا رسول الله

ماقعدتش مع نفسك قبل كده تفكر يا هل ترى.....انا انى واحد من اول خمس امثله؟؟؟؟؟؟؟

وياريت كل واحد يحكم على نفسه....بدل مايقضى طول حياته بيحكم على الناس...وناسى نفسه

if u 'll judge people,u won't have time o love them