بسم الله الرحمن الرحيم
الواحد مبسوط اوى ان اخيرا وبعد تريث دام سنتين..(ههههه الظاهر راحت عليا نومه)حطيت اول حرف ليا فى المدونه الوحيده الى ليا على النت...(فى غيرها فى الخباثه بس عشان الضرايب)..وكنت متردد ومش عارف ايه اول كلام ممكن اكتبه...فقررت ارتجل(والى يحصل يحصل)
...فالحقيقه كنت بفكر فى مدى استيعاب اى واحد من للى بيجرى حواليه وكنت بفكر فى مدى الاختلاف الى ممكن يكون مابين الصورة المتكونه فى عينى والصورة المتكونه فى عيون الاخرين؟؟؟...عمرى ماقتنعت انى شايف نفس الى الناس شايفاه
بس يمكن كان قصدى ان الصورة المتكونه فى قلبى مش نفس الصورة المتكونه فى قلوب الناس تجاه نفس الشىء
انا بحب حد وغيرى كتير مابيطيقوش والعكس
بس الى وصلتله فى اخرالعك والهبل ده...ان الواحد المفروض مايسلمش لاحساسه الداخلى تجاه حد معين من غير تأنى لان كل واحد مننا عنده بليند سبوت على قلبه وعشان كده ماحدش يقدر لوحده انه يكون رؤيه سليمه 100% عن اى شىء
انت لو عايز تشوف نفسك صح...فتش فى قلوب الناس اتجاهك
ولو عايز تشوف الاخر صح....حط نفسك مكانه
يعنى فكر قبل ماتكره او تحب...فكر قبل ماتصاحب او تعادى...فكر قبل ماتضرب او تطبطب
وماتنساش....الخطوة الاهم انك تعرف تخرج من نفسك وتحط نفسك مكان الأخر
واعرف ان دايما هتلاقى جانب خفى من حياه الاخر مش تعرف توصله
وده الى اقصد بيه
heart blind spot
.jpg)